موضوع: تورتتى يا تورتتى الأربعاء يوليو 06, 2011 5:13 am
اولا: طريقة الكيكة العادية المقادير المقادير ده لصنية كيكة واحدة كوب لبن - كوب سكر - معلقتين كبيرة سمنة -2 بيضة- كيس فانيليا - ربع كيلو دقيق – كيس بيكنج بودر.
الطريقة طريقة عمل الكيكة العادية 1- نجيب طبق غويط و نضع فيه اللبن و السكر و نقلب لحد لما السكر يدوب. 2- و بعد كدة نضع السمن و نضع البيض و نضع معلقة صغيرة من الفانيليا و نقلب كويس قوى. 3- نكون محضرين طبق لوحده و حطين فى الدقيق و البيكنج بودر و نقلبهم حتى يختلط الدقيق بالبيكنج نودر. 4- نأخد طبق الدقيق و البيكنج بودر و نصب شوية فى الطبق اللى فيه الخليط و نلقب و نصب شوية تانية و نقلب وهكذا. 5- و بعد كدة نقلب و نقلب حتى يكون الخليط بالشكل ده.
6- نكون مجهزين صنية و دهننها بالزيت و حطين فيها شوية دقيق علشان الكيكة ما تلزقش ، و بعد كدة نصب الكيكة فى الصنية بالشكل ده.
7- وندخل الصنية الفرن و بعد ما تستوى هتكون بالشكل ده.
ملاحظات 1. ما ننساش نكون مولعين الفرن قبل ما نحط الصنية بربع ساعة. 2. ما نفتحش على الصنية قبل تلت ساعة . 3. علامة ان الكيكة استوت هتجيبى سكينة و تغرسيها فيها لو طلعت نظيفة يبقى استوت.
تستنى لما تبرد و تطلعيها من الصنية و تعملى واحدة تانية بنفس الطريقة و ماتنسيش تحطيها فى نفس الصنية علشان المقاس يكون مظبوط
ثانيا : طريقة صوص الشيكولاتة المقادير: علبة كاكاو - سكر بودرة – لبن – معلقة كبيرة سمنة او زبدة – معلقة نشأ الطريقة: هنجيب طاسة و نحط فيها معلقة السمنة و نحط حوالى ربع كوب لبن و نقلب و نحط الكاكاو و بعد كدة نحط السكر و نقلب على نار هادئة ، و نجيب معلقة النشأ و ندوبها فى شوية لبن و بعد كدة نصبها على الكاكاو و نفضل نقلب علشان الخليط يبقى تقيل و هتكون بالشكل ده
ثالثا: طريقة الكريم شانتيه المقادير كريم شانيه – سكر بودرة لو دوقتى الكريم شانتيه و لقتيه محتاج سكر – لبن ساقع الطريقة تحطى الكريم شانتيه فى طبق غويط و لو عايز سكر حطيله و قلبيهم و بعد كدة ضيفى اللبن شوية بشوية علشان يكون الكريم شانيه ماسك نفسه و تعرفى تزوقى بيه و بعد كدة حطيه فى التلاجة علشان يتماسك شوية. و هيكون بالشكل ده
تزين التورتة 1- تجيبى الكيكة و تحطى عليها صوص الشيكولاتة بالشكل ده
- و بعد كدة تحطى الكيكة التانية عليها و تضغطى براحة 3- تغطى الكيكة من فوق بردوا بالشيكولاتة بالشكل ده
و بعد كدة تزوقيها بالكريم شانتيه بالطريقة اللى تناسبك 5- انا كمان جبت شوكولاته فرمسيل جبت منها الوان و شيكولاتة كمان
6- بعد كدة رشيت عليها شوكولاته فرمسيل و زوقتها بالتفاح وده بقى شكلها النهائى
موضوع: تورتتى يا تورتتى 
الأربعاء يوليو 06, 2011 5:13 am
